«ПСЖ» қанот ҳужумчиси Брэдли Баркола клуб билан янги шартнома имзолашни рад этди. Франция терма жамоаси футболчиси жорий ёзги трансфер ойнасида жамоани тарк этиш вариантини кўриб чиқишга тайёр. Бу ҳақда журналист Фабрицио Романо X ижтимоий тармоғидаги саҳифасида хабар берди.

Манбага кўра, 23 ёшли вингерни ўз сафига қўшиб олиш учун асосий даъвогар «Ливерпуль» ҳисобланмоқда.

Баркола 2023 йилнинг ёзидан буён «ПСЖ» шарафини ҳимоя қилиб келмоқда. Ўтган мавсумда у барча мусобақаларда 49 та учрашувда майдонга тушиб, 13 та гол урди ва 7 та голли узатмани амалга оширди.

Футболчининг Париж клуби билан амалдаги шартномаси 2028 йил ёзига қадар мўлжалланган. Transfermarkt маълумотларига кўра, Барколанинг бозор қиймати 90 миллион еврога баҳоланмоқда.