Англиянинг "Фулхэм" клуби "Реал" ҳужумчиси Гонсало Гарсиянинг трансфери учун катта сумма ажратишга тайёр. Клубнинг янги бош мураббийи Альваро Арбелоа айнан ушбу футболчини ўз жамоасида кўришни истамоқда. Испаниялик мутахассис илгари Мадридда бирга ишлаган форвард билан шартнома имзолашга ҳаракат қилмоқда. Бу ҳақда журналист Маттео Моретто ижтимоий тармоқдаги саҳифасида хабар беради.
Испания ОАВ маълумотларига кўра, "Реал" Гарсияни сотиш имкониятини кўриб чиқишга тайёр.
2025/2026 йилги мавсумда ҳужумчи мадридликларнинг асосий жамоаси сафида барча турнирларда 39 та ўйинда майдонга тушиб, 8 та гол урди ва 3 та голли узатмага муаллифлик қилди. Илгари Гонсало Гарсия "Реал Мадрид Кастилья" ёшлар жамоасида тўп сурган бўлиб, 2024/2025 йилги мавсумда 73 та учрашувда 30 та гол уришга эришган эди.
