«Ливерпуль»нинг италиялик ҳужумчиси Федерико Кьеза миллий терма жамоага эҳтимолий қайтиши ҳақида фикр билдирди.
«Ўтган мавсумда Гаттузо билан бир неча бор гаплашдим, аммо у пайтда жисмоний жиҳатдан тайёр эмас эдим. Менга кўпроқ ўйин амалиёти керак эди ва у вазиятни тўғри тушунди. Март ойида майдонга қайтганимда, афсуски, яна жароҳат олдим. Аммо, албатта, терма жамоада яна ўйнаш имкониятини интиқлик билан кутяпман. Мен миллий терма жамоа билан Европа чемпионатида ғолиб чиққанман, ўз мамлакатим шарафини ҳимоя қилиш — ҳар доим ажойиб туйғу», — деди Кьеза The Athletic нашрига берган интервьюсида.
Сўнгги бор Кьеза Италия терма жамоаси либосида 2024 йилнинг ёзида майдонга тушган эди. Унинг ҳисобида миллий терма жамоа сафида 51 та ўйин, 7 та гол ва 8 та голли узатма мавжуд.
