«Бешиктош» Рафаэл Леау трансфери бўйича энг аниқ ва манзилли музокараларни ўтказди, деб хабар беради нуфузли журналист Саша Тавольери X (собиқ Twitter) тармоғида.

Манба маълумотларига кўра, айнан «Бешиктош» айни дамда «Милан» вингерининг атрофидаги инсонлар билан музокараларда ҳаммадан кўра кўпроқ илгарилаган. «Галатасарой» томонидан ҳам қизиқиш мавжуд, аммо у анча камроқ аниқликка эга.

Шу билан бирга, «Милан» португалиялик футболчини ижарага қўйиб юбориш ниятида эмас. Агар 26 ёшли футболчи шу ёзда Италия клубини тарк этадиган бўлса, бу фақат тўлиқ трансфер ҳуқуқи билан амалга оширилади. «Россонери» раҳбарияти бошқа вариантларни кўриб чиқмаяпти.

Ўтган клуб мавсумида Леау барча турнирларда 31 та ўйинда майдонга тушиб, 10 та гол ва 3 та голли узатма билан ажралиб турди. Футболчининг клуб билан амалдаги меҳнат шартномаси 2028 йилнинг ёзигача мўлжалланган. Transfermarkt порталида келтирилган маълумотларга кўра, футболчининг бозор қиймати 50 миллион еврони ташкил этади.