Роберто Де Дзерби клубда бахтли бўлмаган ҳар қандай футболчи кетиши кераклигини таъкидлаб, Гульельмо Викарионинг «Тоттенхэм»даги келажаги борасидаги миш-мишларни янада авж олдирди.
Италиялик дарвозабон «шпорлар»нинг Океаниядаги мавсум олди турнеси қайдномасидан четда қолди ва хабарларга кўра, унинг вазиятини «Ювентус» кузатиб бораётгани айтилмоқда.
Жамоани тарк этишни хоҳлаши мумкин бўлган футболчилар ҳақида гапирар экан, Де Дзерби шундай деди: «Бахтли бўлмаган, «Тоттенхэм»да эканлигидан фахрланмайдиган ҳар бир киши кетиши керак. Мен футболчилар «Тоттенхэм Ҳотспур Стэдиум» майдонига жуда катта иштиёқ билан тушишларини хоҳлайман».
«Ювентус» Микеле Ди Грегориога рақобатчи қидираётган бир пайтда, Викарио туринликларнинг шорт-листига киритилгани айтилмоқда.
