«Ювентус» трансфер бозорида ҳал қилувчи ҳафтани ўтказмоқда. Sportitalia журналисти Альфредо Педулланинг таъкидлашича, А Сериянинг янги мавсуми бошлангунга қадар клуб асосий трансферларни якунлаш учун тезкорлик билан ҳаракат қилиши керак.

Ўзининг YouTube каналида чиқиш қилган Педулла «бьянконери» ўз таркибини кучайтиришни мақсад қилган ушбу кейинги етти кунни жамоа учун «олтинга тенг» деб атамда.

Педулла «Ювентус» энди пайсалга солишга ҳаққи йўқлигини таъкидлаб, клуб янги дарвозабон билан шартнома имзолаши ҳамда «Пари Сен-Жермен» ҳужумчиси Рандаль Коло Муани трансферини якунлаши шартлигини айтди. Унинг фикрича, бу трансфер тахминан 46 миллион евро талаб қилади.

У, шунингдек, жамоанинг яқинда ўтказилган мавсум олди ўйинларини таҳлил қилгач, амалдаги таркибга ҳамон янги кучлар кераклигини қўшимча қилди.

Коло Муани бутун ёз давомида «Ювентус»нинг устувор нишонларидан бири бўлиб қолмоқда ва сўнгги ҳафталарда «ПСЖ» билан музокаралар давом этмоқда.

Педулланинг ишонишича, яқин кунларда қабул қилинадиган қарорлар клубнинг 2026/2027 йилги мавсумдаги истиқболларига катта таъсир кўрсатиши мумкин.