Ҳужумкор ярим ҳимоячи Душан Тадич Нидерландия чемпионатига қайтди. «НЕК Неймеген» клуби 37 ёшли Тадич билан шартнома имзоланганини расман эълон қилди. Сербиялик футболчи икки мавсумга — 2028 йилнинг ўрталаригача мўлжалланган битимга имзо чекди.
Олдинроқ Душан Тадич Нидерландияда «Гронинген» ва «Аякс» жамоалари шарафини ҳимоя қилган. Ўтган мавсумда футболчи БААнинг «Ал-Вахда» клуби шарафини ҳимоя қилган эди.
Transfermarkt портали Тадични 1,5 миллион еврога баҳоламоқда.
«НЕК Неймеген» Нидерландия чемпионатининг ўтган мавсумида учинчи ўринни эгаллаб, Чемпионлар Лигаси саралашига йўлланмани қўлга киритди. Саралашнинг учинчи босқичида жамоа «Олимпиакос»га қарши баҳс олиб боради.
