«Барселона» «Атлетико» ҳужумчиси Хулиан Альварес трансфери борасида ички келишмовчиликка дуч келмоқда.

Diario Sport нашрининг хабар беришича, клуб президенти Жоан Лапорта амалдаги трансфер таклифи чексиз муддатга очиқ қолмаслиги ҳақида қатъий огоҳлантириш берган.

Каталония гранди аргентиналик футболчи учун аниқ молиявий чеклов белгилаб олган бўлса-да, «Атлетико» раҳбари Мигель Анхель Хиль Марин ҳар қандай музокараларни тўлиқ рад этмоқда.

Хабар қилинишича, «матрасчилар» 26 ёшли футболчини Испаниядаги рақибини кучайтиргандан кўра, «Арсенал» каби бошқа даъвогарларга сотишни афзал кўришмоқда.

«Барса»нинг имкониятлари Альвареснинг позициясига ва унинг «Камп Ноу»га кўчиб ўтиш истагини билдириб, яна бир бор баёнот беришга тайёр ёки тайёр эмаслигига боғлиқ бўлиб турибди.

Агар келишув амалга ошмай қолса, «Барса» ҳужум чизиғида янги харидлар — Карим Адейеми ва Энтони Гордондан фойдаланиш режасига ўтиши мумкин. Бу муқобил режа атрофидаги вазият «ПСЖ»га ўтиши айтилаётган Ферран Торрес сабабли янада мураккаблашади.

Бозорда бошқа муносиб вариантларнинг йўқлиги — Эль Жуниор Крупи ва Жоао Педро ўз клублари томонидан «сотилмайдиган футболчилар» деб эълон қилингани Ла Лига чемпионлари учун вазиятни янада оғирлаштирмоқда.

«Барса» бутун ёзни Альварес ортидан қувиб, якунда қуруқ қолган ҳолда, улкан трансфер омадсизлигига дуч келиш хавфи остида турибди.