«Реал» Винисиус Жуниор билан ҳамкорликни узайтиришга ҳаракат қилмоқда.

Аввалроқ вингер раҳбарият билан Жозе Моуриньонинг янги лойиҳасидаги ўз ўрнини муҳокама қилиб олмоқчи экани ҳамда таклиф этилаётган маош унинг мақомига мос ёки йўқлигини тушуниб етмоқчилиги хабар қилинган эди. 26 ёшли футболчининг амалдаги шартномаси 2027 йилнинг ёзигача мўлжалланган. Бразилиялик футболчи солиқлар тўланганидан сўнг мавсумига тахминан 20 миллион евро маош олишни мўлжалламоқда.

Журналист Флориан Плеттенбергнинг маълумотига кўра, «Реал» Винисиус ва унинг агентларига шартномани узайтириш бўйича қарши таклиф юборган.

Мадридликлар бир неча ойлик музокаралардан сўнг келишувга эришишга умид қилмоқда. Клуб «Арсенал» томонидан бўлаётган қизиқишдан хабардор.

Лондонликлар («канонирлар») эса ўз навбатида илк расмий таклифни тақдим этишга тайёргарлик кўрмоқда. Футболчининг вакиллари бу ҳақда хабардор қилинган.