Украиналик ҳужумчи Михаил Мудрикнинг муаммолари давом этмоқда — у допинг билан боғлиқ кўнгилсизликлар бошланишидан олдин, 2023 йилда имзоланган шартнома сабабли 2,5 миллион евро йўқотди.
Маълум бўлишича, Мудрик тижорий суратга олишлар учун JJDS Management Limited компаниясига тегишли бўлган фоизларни тўлаб бермаган. Суд суриштирувлари оқибатида унинг 2,5 миллион евролик ҳисоб рақами музлатиб қўйилди. Шу сабабли у пулни қайтаришига тўғри келади — афтидан, бу маблағ «Челси» унга тўлашда давом этишга мажбур бўлаётган гонорарлардан ушлаб қолинади.
Эслатиб ўтамиз, украиналик футболчи 2024 йилда тўрт йил муддатга дисквалификация қилинган эди.
