BBC Sport мухбири Низаар Кинселланинг хабар беришича, «Челси» «Брайтон» ҳужумчиси Дэнни Уэлбекни ўз сафига қўшиб олиш йўлида ҳаракатларни жадаллаштирди.
Хабарда айтилишича, лондонликлар Хаби Алонсо жамоасига тажрибали ҳужумчи қўшишни мақсад қилган ва ушбу трансфер бўйича музокаралар жадал суръатларда давом этмоқда.
«Челси» 35 ёшли футболчи билан шахсий шартнома шартларини аллақачон келишиб олган, трансфер расман якунланиши учун эндиликда фақат икки клуб ўртасидаги келишув қолмоқда. Ушбу трансфер «Челси»нинг сўнгги пайтларда асосан ёш футболчиларни сотиб олишга қаратилган селекция стратегиясидаги ўзгаришни англатади.
Уэлбек 2025/26 йилги мавсумда «Брайтон» сафида Премьер-лиганинг 37 та ўйинида 13 та гол уриб, фаолиятидаги энг яхши мавсумлардан бирини ўтказди.
«Манчестер Юнайтед» ва «Арсенал»нинг собиқ форварди 2020 йилдан бери «Брайтон» шарафини ҳимоя қилиб келмоқда.
