«Интер» Жон Стоунз трансферини якунлади. «Манчестер Сити»даги узоқ йиллик фаолиятидан сўнг 32 ёшли англиялик ҳимоячи эркин агент сифатида «нерадзуррилар» сафига қўшилмоқда. У йилига 4 миллион евро маош оладиган икки йиллик шартномага имзо чекади. Manchester Evening News хабарига кўра, «Интер» футболчини 1 август, шанба куни Гонконгда «Манчестер Сити»га қарши бўлиб ўтадиган ўртоқлик ўйинидан олдинроқ таништиришга ҳаракат қилади.

Жаҳон чемпионатидаги иштирокидан сўнг ҳозирда таътилда бўлган Стоунз «Сити»даги собиқ жамоадоши Мануэль Аканжи билан яна бир жамоада бирлашишга тайёрланмоқда. Стоунс «Ювентус», «Арсенал» ва «Челси» томонидан бўлган таклифларга қарамай, «Интер»да ўйнашни маъқул кўрди. Марказий ҳимоячи Хитченс, Инс ва Янгдан сўнг «Интер» тарихидаги тўртинчи англиялик футболчига айланади.