Arriyadiyah нашри хабарига кўра, Португалия терма жамоаси ҳимоячиси Жоау Канселу Жаҳон чемпионатидан кейинги таътилни якунлаб, чоршанба куни «Ал-Ҳилол»нинг Австриядаги мавсум олди йиғинига қўшилиши режалаштирилган.
Саудия Про-лигаси гранди амалдаги шартномаси тугашига бир йил қолган футболчини сотишга тўлиқ тайёр.
«Барселона» ўтган қишда Каталониядаги иккинчи ижара муддатини муваффақиятли ўтказган — 23 та ўйинда 2 та гол ва 3 та голли узатмага муаллифлик қилган Канселуни тўлиқ сотиб олиш ниятида.
Ла Лига чемпионлари Саудия клуби билан 10 миллион евролик трансфер суммаси бўйича оғзаки келишувга эришган.
Канселу ўтган мавсумнинг иккинчи ярмида асосий таркибнинг муҳим ўйинчисига айланганидан сўнг, Ханси Флик қўл остида ўйнашни давом эттириш истагини очиқ билдирган.
Бироқ, икки клуб ўртасидаги якуний молиявий келишув ҳали расман тўлиқ ҳал этилмаган.
Каталонияликлар келаси мавсумда Канселу ва Алехандро Бальдени чап қанот ҳимоясидаги асосий танлов сифатида кўришмоқда ва ушбу позиция учун трансфер бозоридан бошқа футболчи сотиб олишни режалаштирмаяпти.
