«Барселона» бош мураббийи Ханси Флик чап қанот ҳимоячиси Жеар Мартинни марказий ҳимоя позициясида «жаҳон даражасидаги» иқтидор деб эътироф этганидан сўнг, клубнинг янги марказий ҳимоячи қидириш ишларини тўхтатиб қўйди.

Cadena SER нашрининг хабар беришича, германиялик мутахассис кейинги мавсумда ҳам ҳимоя марказида Мартин ва Пау Кубарси жуфтлигини асосий таркибда ўйнатишга тўлиқ тайёр.

Флик таҳлилий маълумотлар айнан шуни исботлайди деб ҳисоблайди: асли чап қанот ҳимоячиси бўлган Мартин марказий позицияда ҳам жуда ажойиб ҳаракат қилмоқда ва чап оёқда ўйнаши билан Кубарсига тактик жиҳатдан мукаммал шерик бўлиб бермоқда.

Германиялик мураббий ўтган мавсумда Мартинни марказий ҳимояга ўтказиш орқали катта таваккалга қўл урган эди, аммо испаниялик футболчи янги амплуасидаги ажойиб ўйинлари билан билдирилган ишончни тўлиқ оқлади.

Оқибатда «Барселона» Алессандро Бастони ва Эмерик Лапорт каби трансфер нишонларига бўлган қизиқишини сўндириб, мавжуд барча молиявий ресурсларни янги марказий ҳужумчи сотиб олишга йўналтирди.

Шунингдек, Каталония гранди «Милан»нинг Мартин бўйича қилган сўровини рад этган.