УЕФА ФИФА президенти Жанни Инфантинонинг Жаҳон чемпионатидаги улушларни сотиш нияти юзасидан баёнот берди.
«Бу футболни бошқарувчи органлар ҳеч қачон босиб ўтмаслиги керак бўлган чегарадан чиқишдир. УЕФА бунга жуда жиддий қарайди. Барча миллий футбол ассоциациялари ҳам шундай қилиши керак. Футбол келажагига бефарқ бўлмаган барча манфаатдор томонлар — лигалар, клублар, ўйинчилар, мухлислар, ҳукуматлар ва ҳар бир инсон бунга худди шундай муносабатда бўлиши лозим.
Футболнинг руҳи ва уни бошқариш тизими — айниқса, молиявий фойдани ким олиши борасида шаффофлик мутлақо мавжуд бўлмаган бир шароитда — сотиладиган актив эмас. Ҳеч биримиз футболнинг эгаси эмасмиз. Ва ФИФА уни сотиш ҳуқуқига эга эмас», — дейилади УЕФА баёнотида.
