Лондоннинг «Челси» клуби ярим ҳимоячиси Джейми Байно Гиттенс Австралиянинг «Вестерн Сидней» клубига қарши кечган ўртоқлик учрашувидан сўнг ўз фикрларини билдириб ўтди. Англияликлар сергол кечган ўйинда 6:4 ҳисобида ғалаба қозонишди.

«Жамоада ўзимни яхши ҳис қиляпман. Жароҳатдан сўнг сафга қайтиб, гол урганимдан хурсандман. Гол уришни яхши кўраман, бу ҳамиша ижобий лаҳзалар. Шу руҳда давом этишни хоҳлайман.

Алонсо? У мен билан кўп ишлайди, менга яхши муносабатда бўлади. У ажойиб мутахассис ва инсон, у билан ҳамкорлик қилиш ёқимли», — футболчининг сўзларини «Челси» матбуот хизмати келтиради.

21 ёшли вингер ўтган йилнинг ёзида «Челси»га ўтган эди. Унинг шартномаси 2032 йил июнь ойи охиригача мўлжалланган.