Франция терма жамоаси ва Саудия Арабистонининг «Ал-Ҳилол» клуби қанот ҳимоячиси Тео Эрнандес Европага қайтиши мумкин.

Tuttosport хабарига кўра, футболчининг агенти унинг хизматларини А Сериянинг икки клуби — «Ювентус» ва «Наполи»га таклиф қилган. Эрнандеснинг ўзи Италия чемпионатига қайтишга тайёр, «Ал-Ҳилол» эса мақбул сумма эвазига футболчи билан хайрлашишга қарши эмас.

Тео Эрнандес ўтган ёзда Саудия Арабистонига кўчиб ўтган эди. «Аль-Ҳилол» таркибида ҳимоячи барча турнирларда 44 та ўйин ўтказиб, 9 та гол урди ва 6 та голли узатмага муаллифлик қилди. Ар-Риёдга кўчиб ўтгунига қадар Эрнандес олти йил давомида «Милан» шарафини ҳимоя қилган.

Нуфузли Transfermarkt портали 28 ёшли франциялик футболчини 20 миллион еврога баҳоламоқда.