Супероғир вазн тоифасида собиқ мутлақ жаҳон чемпиони, украиналик Александр Усик нима учун профессионал спортни тарк этишдан қўрқишини сўзлаб берди.
«Пул энди ишламайди, у шунчаки мерос. Спорт — бу муаммо, бу худди гиёҳвандлик каби қарамликдир. Ҳозир тушуняпманки, катта спортда менга максимал даражада яна бир-икки йил қолди», — деди Усик Boxing King Media YouTube-каналига берган интервьюсида.
Украиналик боксчининг профессионал рингдаги рекорди 25 та ғалабадан иборат бўлиб, уларнинг 16 таси муддатидан олдин қўлга киритилган, мағлубиятлари эса йўқ. Александр Усик профи боксдаги дебютини 2013 йилнинг ноябрь ойида ўтказган. Шунингдек, у 2012 йилги Олимпия ўйинлари чемпиони ҳисобланади
