Sky Sport нашри хабарига кўра, "Шальке" "Наполи" ярим ҳимоячиси Йеспер Линдстрёмнинг трансферини якунлашга яқин.

Манбага кўра, клублар ўртасидаги музокаралар юқори босқичга етган. 26 ёшли даниялик футболчи Гелзенкирхен клубига ижарага берилиши кутилмоқда.

Шартнома аввалроқ томонлар ўртасидаги келишмовчиликлар туфайли хавф остида қолган эди. Линдстрёмнинг бери "Шальке" билан келишувга эришган ва фаолиятини немис клубида давом эттирмоқчи. Даниялик футболчи бош мураббий Мирон Мусличнинг асосий трансфер мақсади ҳисобланади.

Линдстрём "Наполи"га 2023 йил ёзида "Айнтрахт"дан 30 миллион евро эвазига қўшилган эди. Ярим ҳимоячи ўтган мавсумни мавсум охирида Бундеслигадан тушиб кетган "Вольфсбург"да ижарада ўтказган (15 та ўйин ва иккита сариқ карточка).

Футболчининг бозор қиймати 4 миллион еврони ташкил қилади.