Бразилия Футбол Конфедерацияси ҳужумчи Неймарнинг миллий терма жамоа билан хайрлашув ўйинини ташкил қилиш имкониятини ўрганмоқда, деб хабар беради О'Globo.

Манбага кўра, ташаббус ҳозирча дастлабки муҳокама босқичида.

Аввалроқ, 34 ёшли Неймар Бразилия терма жамоасидан кетишини эълон қилган эди. Унинг миллий терма жамоа сафидаги биринчи ўйини 2010-йилда бўлиб ўтган. У миллий терма жамоа сафида барча мусобақаларда 130 та ўйин ўтказган, 80 та гол урган ва 59 та голли узатма берган. 34 ёшли футболчи Селесао тарихидаги энг кўп гол урган футболчи ҳисобланади.

Бразилия терма жамоаси билан Неймар 2016-йилги Олимпиада ўйинлари олтин медалини ва 2021-йилги Америка Кубогини қўлга киритган, шунингдек, 2013-йилги Конфедерациялар Кубогида ғалаба қозонган.

2026-йилги Жаҳон чемпионатида Неймар 2та ўйинда захирадан майдонга тушди ва 1та гол киритди. У майдонда жами атиги 38 дақиқа вақт ўтказди.