Бразилия терма жамоаси бош мураббийи Карло Анчелотти миллий жамоанинг муаммолари ва ўйин услуби ҳақида ўз фикрлари билан ўртоқлашди.
— Терма жамоада бир йил ишладингиз. Сизнингча, жамоанинг энг катта муаммоси нимада? Совринлар учун курашишда нима етишмаяпти?
«Жамоанинг ўйин услуби футболчиларнинг хусусиятларига асосланиши керак. Биз Норвегияга қараганда тўпга камроқ эгалик қилганимиз учун танқидга учрадик. Аммо футболчиларимизда тўп назоратига асосланган футбол ўйнаш учун зарур хусусиятлар йўқ. Агар келажакда янги футболчилар, хусусан, жуда сифатли ярим ҳимоячи пайдо бўлса, албатта, тўп назоратига асосланган услубда ҳам ўйнашимиз мумкин», — деди Анчелотти. Унинг сўзларини Globo келтирмоқда.
Эслатиб ўтамиз, Бразилия терма жамоаси 2026 йилги жаҳон чемпионатида 1/8 финал босқичида мусобақани тарк этган эди. Турнир ғолиби эса финалда Аргентина терма жамоасини мағлуб этган Испания бўлди.
