Braziliya terma jamoasi bosh murabbiyi Karlo Anchelotti milliy jamoaning muammolari va o‘yin uslubi haqida o‘z fikrlari bilan o‘rtoqlashdi.
— Terma jamoada bir yil ishladingiz. Sizningcha, jamoaning eng katta muammosi nimada? Sovrinlar uchun kurashishda nima yetishmayapti?
«Jamoaning o‘yin uslubi futbolchilarning xususiyatlariga asoslanishi kerak. Biz Norvegiyaga qaraganda to‘pga kamroq egalik qilganimiz uchun tanqidga uchradik. Ammo futbolchilarimizda to‘p nazoratiga asoslangan futbol o‘ynash uchun zarur xususiyatlar yo‘q. Agar kelajakda yangi futbolchilar, xususan, juda sifatli yarim himoyachi paydo bo‘lsa, albatta, to‘p nazoratiga asoslangan uslubda ham o‘ynashimiz mumkin», — dedi Anchelotti. Uning so‘zlarini Globo keltirmoqda.
Eslatib o‘tamiz, Braziliya terma jamoasi 2026 yilgi jahon chempionatida 1/8 final bosqichida musobaqani tark etgan edi. Turnir g‘olibi esa finalda Argentina terma jamoasini mag‘lub etgan Ispaniya bo‘ldi.
