«Барселона» вингери Карим Адейеми асосий таркибдаги ўрин учун Ламин Ямал билан бўладиган рақобат ҳақида фикр билдирди.
«Кўк-анорранглилар»нинг янги аъзоси ҳужумнинг исталган позициясида ўйнай олади, аммо кўпинча Ханс-Дитер Флик жамоа юлдузи Ламин Ямални туширадиган ўнг қанотда майдонга тушади.
«Мен ҳеч бир футболчи билан рақобатлашишдан қўрқмайман. Агар майдонда бор маҳоратим ва максимумимни кўрсата олсам, ўзимни кўрсатиш учун имкониятларга эга бўлишимни биламан», — деди Адейеми Mundo Deportivo нашрига берган интервьюсида Ямал билан бўладиган рақобат ҳақидаги саволга жавобан.
«Барселона» германиялик футболчини Дортмунднинг «Боруссия» клубидан 22 миллион евро эвазига сотиб олди. Томонлар ўртасидаги меҳнат шартномаси 2031 йилнинг ёзигача мўлжалланган.
