Эдди Хау жамоани тарк этишга қарор қилгач, «Ньюкасл» янги бош мураббий номзодини аниқлаб олди.
Нуфузли инсайдер Фабрицио Романонинг ижтимоий тармоқларда хабар беришича, «олашақшақлар» бош мураббийлиги лавозимини Саудия Арабистонининг «Ал-Аҳли» клубини бошқариб келаётган Маттиас Яйссле эгаллайди. Ҳозирда томонлар фаол равишда музокаралар олиб боришмоқда.
Эслатиб ўтамиз, аввалроқ Хау «Ньюкасл» раҳбариятига жамоадан кетиш қарорини маълум қилган эди. У 2021 йилдан бери инглиз клубига устозлик қилиб келаётган эди.
Жамоа ўтган Англия чемпионати мавсумида омадсиз иштирок этди. Хау бошчилигидаги жамоа 49 очко жамғариб, турнир жадвалида бор-жоғи 12-поғонани эгаллашган эди.
