Eddi Xau jamoani tark etishga qaror qilgach, «Nyukasl» yangi bosh murabbiy nomzodini aniqlab oldi.

Nufuzli insayder Fabrisio Romanoning ijtimoiy tarmoqlarda xabar berishicha, «olashaqshaqlar» bosh murabbiyligi lavozimini Saudiya Arabistonining «Al-Ahli» klubini boshqarib kelayotgan Mattias Yayssle egallaydi. Hozirda tomonlar faol ravishda muzokaralar olib borishmoqda.

Eslatib o‘tamiz, avvalroq Xau «Nyukasl» rahbariyatiga jamoadan ketish qarorini ma’lum qilgan edi. U 2021 yildan beri ingliz klubiga ustozlik qilib kelayotgan edi.

Jamoa o‘tgan Angliya chempionati mavsumida omadsiz ishtirok etdi. Xau boshchiligidagi jamoa 49 ochko jamg‘arib, turnir jadvalida bor-jog‘i 12-pog‘onani egallashgan edi.