Эфиопия ёшлар футбол жамоасининг 20 га яқин аъзоси Гетеборгда бўлиб ўтган Gothia Cup турнирида иштирок этганидан кейин бедарак йўқолди.

Бу ҳақда SVT телеканали Швеция полициясига таяниб хабар берди.

Гуруҳ таркибига 14 ёшдан 17 ёшгача бўлган ўйинчилар, шунингдек, бир ёки бир нечта катталар қўриқчилари киради. Мусобақанинг сўнгги кунида, 18 июль куни жамоа жойлашган мактаб директори жамоанинг огоҳлантиришсиз кетганини аниқлади.

Турнир ташкилотчилари полицияга мурожаат қилишди. Жамоа аъзолари Эфиопияга қайтиб келмаганлиги маълум бўлди. Уларнинг қаерда эканлиги номаълумлигича қолмоқда ва қидирув ишлари, жумладан, Швециядан ташқарида ҳам давом этмоқда.

Илгари уйга қайтган жамоа аъзоларидан бири ташкилотчиларга йигитлар оилалари билан алоқада бўлганини ва ўзларини яхши ҳис қилаётганини айтди.

"Бу воқеа ортида одам савдоси ёки шунга ўхшаш жиноят турганига оид ҳеч қандай аломат йўқ", деди полициянинг бедарак йўқолганлар бўлими вакили Эллинор Халльдин.

Терговчилар гуруҳ ўз ихтиёри билан ғойиб бўлган деб ҳисоблашади. Бироқ, полиция ноқонуний иммиграция назариясини тасдиқламади ва Швецияда қолиш нияти ҳақидаги тахминларни тахмин сифатида рад этди.

Gothia Cup мусобақаси 12-18 июль кунлари Гётеборгда бўлиб ўтди. Турнирда 78 мамлакатдан 1956 та жамоа иштирок этди.