«Челси» ярим ҳимоячиси Коул Палмер жамоанинг янги бош мураббийи Хаби Алонсо ҳақида ўз фикрлари билан ўртоқлашди. Испаниялик мутахассис шу ёзда «кўклар» бошқарувини ўз қўлига олган эди.

«Хаби билан у сафимизга келишидан олдин гаплашишга улгурдим. Терма жамоанинг Жаҳон чемпионати учун қайдномасидан ўрин ололмаганимда у менга хат ёзганди. Бу унинг томонидан жуда ёқимли ишора бўлди.

Ҳозирда унинг қўл остида машғулотлар жуда яхши ўтмоқда. У ва унинг мураббийлар штаби бизга жуда яхши муносабатда бўлишяпти, улар билан бирга ишлаш бизга завқ бағишламоқда.

Хаби мени бўш ҳудудларга ёриб кирадиган «ўнинчи рақам» позициясида кўраётганини айтди. Ўзимни жуда яхши ҳис қиляпман. Мавсумга тайёргарлик кўриш учун менда етти ҳафта вақт бор эди, шунинг учун энди пўлатдай тайёрман», — деди Палмер «Тоттенхэм»га қарши ўртоқлик ўйини олдидан ўтказилган матбуот анжуманида.