«Chelsi» yarim himoyachisi Koul Palmer jamoaning yangi bosh murabbiyi Xabi Alonso haqida o‘z fikrlari bilan o‘rtoqlashdi. Ispaniyalik mutaxassis shu yozda «ko‘klar» boshqaruvini o‘z qo‘liga olgan edi.
«Xabi bilan u safimizga kelishidan oldin gaplashishga ulgurdim. Terma jamoaning Jahon chempionati uchun qaydnomasidan o‘rin ololmaganimda u menga xat yozgandi. Bu uning tomonidan juda yoqimli ishora bo‘ldi.
Hozirda uning qo‘l ostida mashg‘ulotlar juda yaxshi o‘tmoqda. U va uning murabbiylar shtabi bizga juda yaxshi munosabatda bo‘lishyapti, ular bilan birga ishlash bizga zavq bag‘ishlamoqda.
Xabi meni bo‘sh hududlarga yorib kiradigan «o‘ninchi raqam» pozisiyasida ko‘rayotganini aytdi. O‘zimni juda yaxshi his qilyapman. Mavsumga tayyorgarlik ko‘rish uchun menda yetti hafta vaqt bor edi, shuning uchun endi po‘latday tayyorman», — dedi Palmer «Tottenxem»ga qarshi o‘rtoqlik o‘yini oldidan o‘tkazilgan matbuot anjumanida.
