ФИФАнинг бош операцион директори Кевин Лямур Джанни Инфантино Жаҳон чемпионатининг бир қисм ҳуқуқларини хусусий инвесторларга сотиш схемасини ишлаб чиқишда шаффофликни таъминламагани сабабли ташкилот ходимлари «алдаб келинганини» ва улар «назарга писанд қилмаслик ва қўрқитишлардан кўра кўпроғига лойиқ» эканлигини айтди.
«Бу бир кишининг лойиҳаси. Бу лойиҳа нафақат амалга оширилмаслиги керак, балки футболнинг сиёсий етакчилари ўзларига тўғри саволларни беришлари ва тўғри қарорлар қабул қилишлари керак бўлган вақт келди», — дея таъкидлади топ-менеджер.
Лямур 2024 йилдан бери эгаллаб келаётган лавозимидан истеъфога чиқмади, аммо ҳамкасблари олдида ўзини бурчдор ҳис қилаётганини билдирди:
«Агар бу ишимни йўқотишимни англатса, майли, шундай бўла қолсин. Мен бу қарорни тушунаман ва ҳурмат билан қабул қиламан. Ҳар ҳолда, бугун тeп-тeнг ва хотиржам ухлайман», — деди Лямур.
