«Челси» бош мураббийи Хаби Алонсо Михаил Мудрикдан дисквалификация олиб ташлангани ҳақида фикр билдирди.
Кеча допинг қоидаларини бузгани учун 2024 йилнинг декабридан бери футболдан четлатилган Лондон клуби вингери мусобақаларга қайтиш учун рухсат олди. Англия футбол ассоциацияси украиналик футболчи қўйилган айбловларни тан олгани ва аллақачон ўтаб бўлган муддатига тенг дисквалификацияга рози бўлганини маълум қилди.
«Мен унинг «Шахтёр» таркибидаги ўйинларини, майдондаги таъсирини, бирга-бир вазиятларда қанчалик яхши ҳаракат қилганини эслайман. Унинг ўзи кўплаб хавфли вазиятларни ярата оларди. У — алоҳида ажралиб турадиган футболчи.
Ростини айтсам, айни дамда бундай ажойиб янгиликни кутмаган эдик, аммо бундан жуда хурсанд бўлдик», — деди Алонсо.
