«Челси» ҳужумчи Жоао Педро билан амалдаги шартномани узайтириш ниятида.
The Athletic хабарига кўра, клуб раҳбарияти 24 ёшли бразилиялик футболчига янги битим таклиф қилади. Қайд этиш жоизки, унинг амалдаги шартномаси 2033 йилнинг ўрталаригача мўлжалланган.
Марказий ҳужумчи 2025 йилнинг июль ойида «Брайтон»дан «Челси»га кўчиб ўтган эди. Ўшандан бери у «кўклар» сафида 53 та расмий ўйинда майдонга тушиб, рақиблар дарвозасини 23 маротаба ишғол қилди ва 9 та голли узатмага муаллифлик қилди. Transfermarkt маълумотларига кўра, унинг бозор қиймати 80 миллион еврога баҳоланмоқда.
Қўшимча қилиш жоизки, бразилиялик футболчи илгари «Уотфорд» ва «Флуминенсе» клубларида ҳам тўп сурган. Ҳужумчи ҳисобида Бразилия терма жамоаси сафида ўтказилган 8 та ўйин бор.
