«Chelsi» hujumchi Joao Pedro bilan amaldagi shartnomani uzaytirish niyatida.

The Athletic xabariga ko‘ra, klub rahbariyati 24 yoshli braziliyalik futbolchiga yangi bitim taklif qiladi. Qayd etish joizki, uning amaldagi shartnomasi 2033 yilning o‘rtalarigacha mo‘ljallangan.

Markaziy hujumchi 2025 yilning iyul oyida «Brayton»dan «Chelsi»ga ko‘chib o‘tgan edi. O‘shandan beri u «ko‘klar» safida 53 ta rasmiy o‘yinda maydonga tushib, raqiblar darvozasini 23 marotaba ishg‘ol qildi va 9 ta golli uzatmaga mualliflik qildi. Transfermarkt ma’lumotlariga ko‘ra, uning bozor qiymati 80 million yevroga baholanmoqda.

Qo‘shimcha qilish joizki, braziliyalik futbolchi ilgari «Uotford» va «Fluminense» klublarida ham to‘p surgan. Hujumchi hisobida Braziliya terma jamoasi safida o‘tkazilgan 8 ta o‘yin bor.