«ПСЖ» Ферран Торрес трансфери бўйича ишларни давом эттирмоқда.

Яқин кунларда парижликлар 26 ёшли ҳужумчининг ўтиши бўйича «Барселона» билан бевосита музокараларни бошлайди, деб хабар бермоқда Marca. Франция клуби ва футболчи ўртасидаги молиявий масалалар муаммо туғдирмаслиги керак — келишувга эришиш учун асос аллақачон яратилган.

Қайд этилишича, футболчининг ўзи ҳам «каталонияликлар» сафида унга етарлича баҳо берилмаяпти деб ҳисоблайди ва жамоасини ўзгартиришга тайёр. Унинг «Барса» билан амалдаги шартномаси 2027 йилнинг ёзигача мўлжалланган.

Ла Лиганинг ўтган мавсумида Ферран 33 та ўйинда майдонга тушиб, 16 та гол урган ва 2 та голли узатмага муаллифлик қилган.