Интернетда Миср терма жамоаси ва "Ливерпул"нинг собиқ ҳужумчиси Муҳаммад Салоҳ Туркиянинг "Трабзонспор" клуби билан келишувга эришганлиги ҳақида хабарлар пайдо бўлди.
Fotomaç 34 ёшли ҳужумчига йилига 17 миллион евро маош ва бонуслар билан икки йиллик шартнома таклиф қилинганини хабар қилди. Салоҳ келаси ҳафтада расмий шартнома имзолаш учун Трабзонга бориши айтилган эди.
Бироқ, "Трабзонспор" президенти Эртуғрул Доган бу маълумотни рад этди. Клуб президенти Салоҳ билан ҳеч қандай келишувга эришилмаганлигини ва унинг Трабзонга ташрифи режалаштирилмаганлигини таъкидлади.
BeIN Sports хабарига кўра, "Трабзонспор" потенциал трансферни тасдиқламаган бўлса-да, клуб вакиллари аллақачон Салоҳнинг агенти билан дастлабки алоқа ўрнатган. Манба шунингдек, икки йиллик шартнома ва форма савдосининг маълум фоизи ҳақидаги хабарлар ёлғон эканлигини таъкидлайди.
Шуни таъкидлаш керакки, "Ливерпуль" Муҳаммад Салаҳнинг 2025/26 йилги мавсум охирида кетишини расман эълон қилди.
