Нидерландия Суперкубоги учун бўлиб ўтган баҳсда АЗ амалдаги мамлакат чемпиони ПСВни 4:0 ҳисобида мағлуб этиб, бош совринни қўлга киритди.

Эйндховендаги учрашув тақдирига 9-дақиқадаги қизил карточка катта таъсир кўрсатди. ПСВ ярим ҳимоячиси Йой Верман майдондан четлатилди ва мезбонлар ўйиннинг асосий қисмини бир киши кам бўлиб ўтказишди.

АЗ ҳисобни 25-дақиқада Мекс Мердинкнинг голи билан очди. Иккинчи бўлимда эса Уэсли Патати (51), Элайжа Дейкстра (58) ва Ро-Зангело Дал (66, пенальти) яна учта гол уриб, йирик ғалабани таъминлашди.

Шу тариқа, АЗ ўз тарихида иккинчи марта Нидерландия Суперкубоги соҳиби бўлди. Жамоа бундан аввал ушбу совринни 2009 йилда қўлга киритган эди.

Маълумот учун, ПСВ мусобақа тарихидаги энг серсоврин клуб бўлиб, унинг ҳисобида 15 та Суперкубок мавжуд.