Ҳужумчи Ферран Торреснинг келажаги муҳокамалар марказида қолмоқда. Айрим манбалар 26 ёшли футболчи «ПСЖ»га ўтишга қарор қилгани ҳақида ёзишмоқда. Бироқ «Барселона» Торрес билан хайрлашиш ниятида эмас.
«Барселона»нинг ушбу масаладаги позицияси жуда аниқ: Ферран Торрес сотилмайди», — дейилади Mundo Deportivo нашри томонидан чоп этилган мақолада.
«Барселона» Торресни сақлаб қолмоқчи ва трансфер ойнаси ёпилганидан сўнг у билан шартномани узайтиришга умид қилмоқда, аммо бунда каталонияликлар «Манчестер Сити»га қўшимча равишда 8 миллион еврога яқин маблағ тўлашларига тўғри келади. Ханс-Дитер Флик Торресга тўлиқ ишонч билдирмоқда ва айниқса Роберт Левандовски жамоани тарк этганидан сўнг уни йўқотишни истамаяпти.
«Барселона» Торреснинг трансферини фақат футболчининг ўзи буни сўраган тақдирдагина кўриб чиқишга тайёр. Ҳужумчи ҳозирча трансфер бўйича расмий сўров топширмаган.
