Фабрицио Романо Франсишку Консейсаунинг «Манчестер Юнайтед»га ўтиши ҳақидаги миш-мишларни рад этиб, унинг «Ювентус»ни тарк этиши бўйича ҳеч қандай музокаралар олиб борилмаётганини таъкидлади.

Миш-мишларда португалиялик вингер «қизил иблислар»нинг нишонига айланиши мумкинлиги айтилган эди, бироқ Романо ҳеч қандай музокаралар бўлмаётганини аниқ айтди.

«Бу ерда мутлақо ҳеч нарса йўқ, ҳатто оддий телефон қўнғироғи ҳам бўлгани йўқ», — деди Романо.

Трансферлар бўйича эксперт барча томонлар бу хабарларни инкор этганини қўшимча қилди.

«Футболчининг атрофидагилар ҳам, «Юнайтед» ҳам, «Юве» ҳам буни рад этди», — деб тушунтирди у.

Шунингдек, Романо «Ювентус» Лучано Спаллеттининг режаларида муҳим ўрин тутадиган Консейсау билан хайрлашиш ниятида эмаслигини алоҳида таъкидлади.

«Бугунги кунда «Юве» Консейсауни сотиш устида фаол ишламаяпти, Консейсаунинг ўзи ҳам «Юве»ни тарк этишни истамаяпти», — деди Романо.

Романо катта миқдордаги таклиф вазиятни ўзгартириши мумкинлигини тан олган бўлса-да, «Манчестер Юнайтед» вингерни сотиб олишга ҳаракат қилмаётганини яна бир бор такрорлади.

«Бугунги кунда бундай вариант мавжуд эмас. Агар эртага эрталаб бирор нарса ўзгарса, сизга хабар бераман, лекин бугун бу нарса йўқ», — дея хулоса қилди у.