«Манчестер Юнайтед» бош мураббийи Майкл Кэррик томошабоп ўйиннинг муҳимлиги ҳақида ўз фикрларини билдириб ўтди.
«Қизил иблислар» англиялик мутахассис бошчилигида ўтган мавсумнинг иккинчи ярмини муваффақиятли ўтказишди, шундан сўнг мураббий билан шартнома узайтирилди.
«Ғалаба ҳар доим муҳим. Албатта, бу футболнинг асосий таркибий қисмидир, бироқ биз шунингдек томошабоп ўйин кўрсатишни, голлар уришни ва ёрқин учрашувлар ўтказишни хоҳлаймиз. Бу мухлисларга ёқади ва айнан шу сабабдан мен ўз вақтида ушбу клубни севиб қолганман», — деди Каррик centredevils нашрига берган интервьюсида.
«Манчестер Юнайтед» Премьер-лиганинг ўтган мавсумини учинчи ўринда якунлади. Кўрсатилган натижа эвазига манкунианликлар бўлажак мавсумда Чемпионлар лигасида иштирок этишади.
