Чемпионлар лигаси гуруҳ босқичи доирасидаги «Барселона» билан ўйин ҳақида фикр билдирар экан «Аякс»нинг 20 ёшли ҳимоячиси Стефано Денсвил Мессига қарши майдонга тушишидан мамнун эканини маълум қилди.

«Мессига қарши ўйнаш ҳақида ўйлаяпсизми? Тўғри бу ҳақидаям ўйлаш керак, лекин «Аякс» ҳимоячиси ҳар қандай футболчини еб қўйиши керак. Унинг исми Месси бўлишидан қатъий назар.

Бу ўйин мен учун катта сабоқ бўлади. Бундай ўйинларда оладиганингни 10та оддий ўйиндан оломайсан.

Ёшлигингда «Барселона» каби жамоаларда бир кун бўлса ҳам ўйнаш ҳақида ўйлайсан, лекин буюк жамоаларга қарши ўйнаш ҳам орзу. Эртага мен учун унутилмас кун бўлади. Айниқса, Мессига қарши ўйнаш жуда ажойиб бўлади»,- дейди футболчи.