«Барселона» Испания терма жамоаси ярим ҳимоячиси Родрининг «Манчестер Сити»дан «Реал»га эҳтимолий ўтиши атрофидаги вазиятни диққат билан кузатиб бормоқда. Бу ҳақда Cadena Ser хабар беради.

Таъкидланишича, «кўк-анорранглилар»нинг испаниялик футболчига бўлган қизиқиши Френки де Йонгнинг жароҳати билан боғлиқ. Каталонияликлар Родрини сотиб олиш имкониятини ўрганишмоқда ва агар футболчининг ўзи уларга қўшилиш истагини билдирса ҳамда молиявий шароитлар келишув тузишга имкон берса, ҳаракат қилишга нияти бор.

Ўтган мавсумда Родри барча турнирларда 33 та ўйинда майдонга тушиб, ўз ҳисобига иккита гол ёздириб қўйган. Ўйинчининг клуб билан амалдаги меҳнат шартномаси 2027 йилнинг ёзигача мўлжалланган. Transfermarkt порталида келтирилган маълумотларга кўра, футболчининг бозор қиймати 50 млн еврони ташкил этади.