«Ливерпуль» ва «ПСЖ» нападающий Брэдли Барколанинг трансфери бўйича расмий музокараларни бошлади. Бу ҳақда ижтимоий тармоқларда нуфузли инсайдер Фабрицио Романо ёзиб қолдирди.

Романо берган маълумотларга кўра, «Ливерпуль» Баркола учун 100 миллион евродан ортиқ маблағ таклиф қилган, аммо мерсисайдликларнинг бу таклифи ҳали «ПСЖ» талаб қилаётган суммадан жуда йироқ. Музокаралар жараёни давом этади.

Таъкидланишича, 23 ёшли Брэдли Барколанинг ўзи «Ливерпуль»га ўтишни хоҳламоқда.

Олдинроқ матбуотда Баркола «ПСЖ»даги ўз ролидан қониқмаётгани ҳақида ёзишган эди. Парижликлар клуби таркибида ҳужумчи 152 та ўйин ўтказиб, ўз ҳисобига 39 та гол ва шерикларига 37 та голли узатмани ёздириб қўйган.