«Liverpul» va «PSJ» napadayushiy Bredli Barkolaning transferi bo‘yicha rasmiy muzokaralarni boshladi. Bu haqda ijtimoiy tarmoqlarda nufuzli insayder Fabrisio Romano yozib qoldirdi.
Romano bergan ma’lumotlarga ko‘ra, «Liverpul» Barkola uchun 100 million yevrodan ortiq mablag‘ taklif qilgan, ammo mersisaydliklarning bu taklifi hali «PSJ» talab qilayotgan summadan juda yiroq. Muzokaralar jarayoni davom etadi.
Ta’kidlanishicha, 23 yoshli Bredli Barkolaning o‘zi «Liverpul»ga o‘tishni xohlamoqda.
Oldinroq matbuotda Barkola «PSJ»dagi o‘z rolidan qoniqmayotgani haqida yozishgan edi. Parijliklar klubi tarkibida hujumchi 152 ta o‘yin o‘tkazib, o‘z hisobiga 39 ta gol va sheriklariga 37 ta golli uzatmani yozdirib qo‘ygan.
