Каталониянинг "Барселона" клуби етакчиси Леонел Месси Чемпионлар лигасининг ўтган мавсуми ярим финалида уларни мағлубиятга учратган "Бавария"ни ҳали унутмагани алоҳида таъкидлашни лозим топди.
"Испания чемпионатида ғалаба қозондик. Бу жуда муҳим эди, чунки ундан аввалги мавсумда уни "Реал"га бой бергандик ва Испаниядаги энг кучли жамоа номини қайтариб олишимиз керак эди.
Аммо ЧЛ ярим финалида шок ҳолатига тушдик. "Бавария" бизни шунчаки сочиб юборганди. Мен энди шу мавсумда қасос олишни режалаштиряпман. Буни шундай қолдириб бўлмайди", деди Месси.