Саудия Арабистонининг «Ал-Ҳилол» клуби «Манчестер Сити» ярим ҳимоячиси Жек Грилиш учун курашга қўшилди ва инглиз футболчисига жуда манфаатли молиявий таклиф тайёрламоқда. Бу ҳақда Goal нашри журналист Экрем Конурга таяниб хабар берди.

Манба маълумотига кўра, саудияликлар 30 ёшли футболчига йилига 20–23 миллион евро миқдорида маош таклиф қилишни режалаштирган.

Хабарда айтилишича, «Ал-Ҳилол»нинг асосий рақобатчиси Мадриднинг «Атлетико» клуби ҳисобланади. Бироқ «Манчестер Сити» трансфер нархи бўйича талабларини пасайтирмаса ёки кейинчалик сотиб олиш шарти билан ижарага беришга рози бўлмаса, испанияликлар фаол ҳаракат қилмайди.

Шунингдек, Грилишга АҚШнинг MLS чемпионати клублари ҳам қизиқиш билдирмоқда.

Ўтган мавсумда ярим ҳимоячи ижара асосида «Эвертон» сафида тўп тепди. У 22 та учрашувда майдонга тушиб, 2 та гол урди ва 6 та голли узатмани амалга оширди.

Айни пайтда Жек Грилишнинг трансфер қиймати 20 миллион евро деб баҳоланмоқда.