«Коло-Коло» ижтимоий тармоқлардаги саҳифасида Кабо-Верде терма жамоаси дарвозабони Возинья билан шартнома тузилганини эълон қилди.
«Дарвозабон Чили клуби билан президент Анибаль Моса иштирокида шартнома имзолади ва расман «Коло-Коло» ўйинчисига айланди», — дейилади матбуот хизмати хабарида.
Возинья Кабо-Верде терма жамоаси таркибида ЖЧ-2026 да иштирок этди, унда жамоа 1/16 финалда қўшимча бўлимларда Аргентинага имкониятни бой берди (2:3). Турнир бошлангунига қадар дарвозабоннинг ижтимоий тармоқдаги саҳифасида 56 мингга яқин обуначи бор эди, ҳозирда эса уларнинг сони 29,5 миллионга етди.
ЖЧ-2026 дан сўнг футболчининг Transfermarkt порталидаги бозор қиймати 10 бараварга ошиб, 50 мингдан 500 минг еврогача кўтарилди.
