Терма жамоамиз ва "Анжи" клуби яримҳимоячиси Одил Аҳмедов Махачқальа жамоаси мухлислари саволларига жавоб бераркан, клуб билан амалдаги шартномаси якунлангунча жон деб ўйнашда давом этишини маълум қилди. Бу ҳақда клуб расмий твиттер саҳифаси хабар бермоқда.
"Анжи" билан 2015 йилгача шартномам бор. Агар клубга керак бўлсам муддат тугагунча албатта жамоа сафида бўламан", деди Аҳмедов.
"Албатта, кўчиб ўтишга тайёрман. Бунда бирор муаммо кўрмаяпман. Шартнома имзолаётганимда жамоа Москвада яшашини ҳатто билмагандим ҳам", деди 25 ёшли яримҳимоячи клубнинг Махачқальага кўчиб ўтиши ҳақида фикр билдираркан.
Твиттерда мухлислар билан жонли мулоқотга чиққан Одил Аҳмедов билан савол-жавоб тўлиқроқ кўринишда тақдим этилади.
