Аёллар футболи бўйича Ўзбекистон чемпионатининг навбатдаги турида “Машъал”нинг қизлар жамоаси Муборакда “Металлург”ни қабул қилиб, 1:0 ҳисобида ғалабага эришди.

Ўйиндаги ягонга голни иккинчи таймда Тошева Шодия рақиб дарвозасига киритди. Баҳром Норсафаров шогирдлари иккинчи голни ҳам уришлари мумкин эди, бироқ Қудратова Нилуфар пенальтидан фойдалана олмади.

Энди “Машъал” навбатдаги ўйинини 18 сентябрь куни яна ўз майдонида “Динамо”га қарши ўтказади. Шундан сўнг жамоа аъзолари Тошкентга йўл олиб, у ерда 16 ёшгача бўлган қизлар ўртасидаги Осиё чемпионатига тайёргарликни давом эттиришади.

Эслатиб ўтамиз, “Машъал”нинг деярли ҳамма футболчилари ўсмирлар терма жамоамиз аъзолари ҳисобланишади.