«Ювентус» янги дарвозабон қидирувини жадаллаштирди ва бу ёзда «Тоттенхэм» аъзоси Гильельмо Викарио клубнинг асосий нишонига айланди.

Tuttomercatoweb хабарига кўра, «туринликлар» «Пари Сен-Жермен»га ўтишга яқин турган Зион Судзуки трансфери барбод бўлгач, эътиборни Италия терма жамоаси посбонига қаратди. «Ювентус» Викариони ижарага олишга умид қилмоқда, аммо бунинг учун «Тоттенхэм»нинг вақтинчалик трансферга розилиги керак бўлади.

Хабарда қўшимча қилинишича, Мартин Дубравканинг келиши ва Антонин Кински билан шартнома узайтирилганидан сўнг, «шпорлар» Викариони дахлсиз футболчи деб ҳисобламаяпти.

Агар музокаралар муваффақиятсиз якунланса, «Ювентус» муқобил вариантларни ҳам тайёрлаб қўйган. Парижга боргач жамоадаги ўрнини бой бераётган "ПСЖ" дарвозабони Люка Шевалье ҳамда «Наполи» посбони Ваня Милинкович-Савич ҳам номзодлар рўйхатида қолмоқда.