Испаниянинг Marca газетаси Жанни Инфантинонинг ўрнига ФИФА президенти лавозимига бешта асосий номзод номини ошкор қилди.
Даъвогарлар қаторидан қуйидагилар ўрин олган:
-
Нассер Аль-Хелаифи, «ПСЖ» президенти, Европа футбол клублари кенгаши (EFC) раиси;
-
Виктор Монтальяни, ФИФА вице-президенти, Шимолий ва Марказий Америка ҳамда Кариб ҳавзаси мамлакатлари футбол конфедерацияси (КОНКАКАФ) президенти;
-
Александр Чеферин, УЕФА президенти;
-
Шейх Салман бин Ибрагим Аль Халифа, Осиё футбол конфедерацияси (ОФК) президенти;
-
Патрис Моцепе, Африка футбол конфедерацияси (CAF) президенти.
Таъкидланишича, Монтальяни энг мантиқий вариант ҳисобланади, чунки у ФИФА Кенгаши вице-президенти сифатида ишлайди ва ташкилотнинг ички фаолияти билан жуда яхши таниш.
Номзодлар томонидан ариза топширишнинг охирги муддати — 2026 йил 18 ноябрь. Даъвогарни фақат миллий футбол ассоциацияси илгари суриши мумкин. Бунда номзод камида бешта федерациянинг қўллаб-қувватлашига эришиши керак. ФИФА президенти сайловининг ўзи 2027 йил 18 март куни Рабатда (Марокаш) ўтказилиши режалаштирилган.
