Англиянинг «Ливерпуль» клуби собиқ ҳужумчиси Муҳаммад Салоҳ фаолиятини Туркияда давом эттириши мумкин. Мисрлик футболчи билан Туркиянинг «Трабзонспор» клуби музокаралар олиб бормоқда. Бу ҳақда клуб матбуот хизмати X ижтимоий тармоғида расман хабар берди.
Аввалроқ «Трабзонспор» президенти Эртуғрул Доған Салоҳнинг эҳтимолий трансфери ҳақидаги миш-мишларга изоҳ бературиб, бирор бир келишувга эришилгани тўғрисидаги маълумотни рад этган, шунингдек, ушбу мавзу бўйича янгиликлар пайдо бўлиши билан матбуот ва мухлисларга хабар беришни ваъда қилган эди.
Илгарироқ Туркия ОАВлари мисрлик футболчи «Трабзонспор» билан икки йиллик шартномани келишиб олгани ҳақида хабар берган эди. Салоҳ шу ёзда «Ливерпуль»ни эркин агент мақомида тарк этди. Ҳужумчи сўнгги тўққиз мавсум давомида инглизлар шарафини ҳимоя қилиб келаётган эди.
